Almennt Landamerki Gróðurflokkar - Flokkunarkerfi Gögn Fjarkonnun Landupplýsingar Gagnagrunnur Kort Hug-/vélbúnaður Samstarfsaðilar Starfsmenn Áhugverðir tenglar Nytjaland LBHÍ Keldnaholt 112 Reykjavík sími: 433 5000 fax : 433 5201 Heimasíða LBHÍ	Rýrt mólendi Rýrt mólendi einkennist af lélegum beitarplöntum á borð við móasef, þursaskegg, lyngtegundir (krækilyng, bláberjalyng, sortulyng, beitilyng, fjalldrapa) og oft er þar mikill mosi og jafnvel fléttur. Lítið er af eftirsóttum beitarplöntum á borð við blómtegundir, grös og starir (t.d. stinnastör). Rýr mólendi er yfirleitt að finna á þurrlendum móasvæðum eða á melasvæðum sem eru að gróa upp. Þar sem rýrt mólendi kemur fyrir í móum (brúnjörð/móajarðvegur) endurspeglar þessi gróðurflokkur oft land sem hefur hnignað verulega í tímans rás vegna beitar. Þessi gróðurflokkur finnst einnig hátt til fjalla, á sandi og öðrum stöðum þar sem umhverfisaðstæður draga úr framleiðslugetu landsins. Í stórþýfðu mólendi er gróðursamsetningin oft ólík, annarsvegar upp á þúfnakollunum og hinsvegar í skjólinu milli þúfnanna. Harðgerðustu tegundirnar skipa sér á þúfnakollana en hinar kulvísari í lautirnar. Þar sem er næðingssamt er oft rof í þúfum áveðursmegin. Ef opnurnar taka yfir helming yfirborðsins eða meira er rétt að flokka svæðið sem hálfgróið land.	GRÓÐURFLOKKAR Lítt gróið Hálf gróið Mosi Rýrt mólendi Ríkt mólendi Graslendi Ræktað land Kjarr og skóglendi Hálfdeigja Votlendi