Maísræktun á jaðarsvæðum - ný fóðurjurt á Íslandi?
Þóroddur Sveinsson
Rannsóknastofnun landbúnaðarins, Möðruvöllum
15. 10. 2003
Vorið 2003 var að frumkvæði Véla & Þjónustu hf flutt inn írsk sáðvél sem sáir maís undir plastfilmu. Fyrirtækið fékk erlenda sérfræðinga til landsins sem höfðu kynnt sér íslenskar aðstæður m.t.t. maísræktunar og þeir voru sannfærðir um að hér væri hægt að rækta maís. Í vor var maís sáð undir plasti hjá 19 bændum í samtals um 16 – 18 ha. Að sögn starfsmanna Véla & Þjónustu og bændanna sjálfra voru flestir akrarnir dæmdir ónýtir í byrjun ágúst. Um mánuði seinna komu hins vegar fréttir, í ýmsum fjölmiðlum, um góðan árangur í maísræktinni. Þess vegna taldi RALA ástæðu til að gera hlutlausa úttekt á ræktuninni og taka saman og kynna erlendar upplýsingar um maísræktun á jaðarsvæðum. Niðurstöður þeirrar samantektar eru í meðfylgjandi PDF skjali. Skjalið er 21 síða og er efni hennar skipt upp í eftirfarandi kafla;
Inngangur - 3
Tegundalýsing - 3
Ræktunarsaga - 6
Flokkun - 7
Kynbætur - 7
Ræktun á jaðarsvæðum - 8
Ræktun undir plasti – reynsla frá Evrópu - 11
Ræktun maís undir plasti á Íslandi - 13
Umræður - 18
Ályktanir - 20
Heimildir - 21
|