Nytjaland forsíða: Forsíða Nytjalands

Fréttir

25 okt. 2006
Gróðurflokkun hefur verið uppfærð á vefsjá Nytjalands. Uppfærslur hafa aðalega orðið á Vestfjörðum og hefur svæði í kringum Stykkishólm bætst við. Tölfræðin fyrir jarðirnar verða uppfærðar í byrjun nóvember.

Mars 2006
Þann 17. mars 2006 verður vefur Nytjalands – jarðabókar Íslands opnaður formlega af landbúnaðarráðherra á ársfundi Landbúnaðarháskóla Íslands. Vefur jarðabókarinnar hefur að geyma upplýsingar um bújarðir landsins og gróðurfar. Í gagnagrunninn hafa verið færð nær öll landamerki bújarða landsins og nær allt yfirborð landsins hefur verið flokkað til yfirborðsflokka.

Febrúar 2006
Starfsmenn Nytjalands stóðu fyrir fjórum veggspjöldum á Fræðaþingi landbúnaðarins í byrjun febrúar. Á veggpspjöldunum voru kynnt fjögur verkefni þar sem gerðar voru greiningar á gögnum úr gagnagrunni Nytjalands. Heiti veggspjaldanna eru:

· Landgæði bújarða með tilliti til gróðurfars
· Stærð bújarða á Íslandi
· Gróðurmörk á Austurlandi, Mið-Norðurlandi og Vestfjörðum
· Búfjárfjöldi og landgæði

Nóvember 2005
Landamerkjagrunnur Nytjalands var notaður til að reikna út fjölda felldra hreindýra eftir bújörðum. Þetta er þriðja árið í röð sem þessi vinna fer fram og því hægt að bera saman staðsetningar felldra dýra eftir árum.
Staðsetning felldra hreindýra 2003-2005

Apríl 2005
Starfsmenn Nytjalands öfluðu landamerkja á Vestfjörðum með aðstoð heimamanna. Dregin voru inn landamerki í Vesturbyggð, Tálknafjarðarhreppi og Reykhólahreppi. Vinnan gekk að óskum og fengust upplýsingar um flestar bújarðir í þessum sveitarfélögum.

Júní 2004
Vikuna 7. – 11. júní hélt Fanney vestur í Ísafjarðardjúp og heimsótti ábúendur í Súðavíkurhreppi og gamla Nauteyrarhreppi. Heilsársbúseta er víða strjál á þessu svæði og því mikilvægt að fá aðstoð frá ábúendum við að færa inn landamerki eyðibýla á svæðinu. Vegna þess hve jarðir í ábúð eru dreifðar um svæðið voru ábúendur heimsóttir en ekki boðaðir á fundi eins og venjan er.

Dagana 14. – 16. júní heimsóttu starfsmenn Nytjalands landeigendur og ábúendur bújarða í Mýrdalshreppi og drógu inn landamerki jarða í sveitarfélaginu með aðstoð þeirra. Þeir voru boðaðir til skólahússins að Ketilsstöðum og tókst að ljúka við uppdrátt flestra bújarða að undanskildum jörðum í Reynishverfi. Síðan þá hafa landamerki bújarða í Reynishverfi færð inn eftir uppdrætti sem unninn var í sveitarfélaginu.

Dagana 21. – 23. júní hittu starfsmenn Nytjalands heimamenn í Reykhólahreppi þar sem landamerki bújarða í sveitarfélaginu voru dregin í gagnagrunn Nytjalands. Talsvert vantaði upp á að tækist að ljúka uppdrætti allra bújarða, en því hefur verið fylgt eftir með því að senda staðkunnugum myndir með ósk um að þeir dragi inn landamerki eftir því sem kostur er.

Apríl 2004
Starfsmenn Nytjalands héldu upp í Kjós og drógu inn landamerki bújarða í sveitarfélaginu með aðstoð heimamanna í Félagsgarði. Mæting var mjög góð og voru flestar jarðir í hreppnum dregnar í gagnagrunninn.Október 2004.

Á liðnu sumri hefur talsvert bæst við landamerkjauppdráttinn.

Í apríl héldu starfsmenn Nytjalands upp í Kjós og hittu heimamenn í Félagsgarði og fengu hjálp þeirra við að draga inn landamerki jarða í hreppnum. Mæting var mjög góð og það náðist að ljúka við uppdrátt flestra jarða.
Vikuna 7. til 11. júní fór Fanney vestur í Ísafjarðardjúp og heimsótti ábúendur í Súðavíkurhreppi og í gamla Nauteyrarhreppi. Heilsárs búseta er víða strjál á þessu svæði. Mikilvægt var því að fá aðstoð frá ábúendum við að færa inn landamerki nálægra eyðibýla. Þótti því vænlegra að heimsækja bændur í stað þess að boða þá til fundar.

Dagana 14. til 16. júní voru ábúendur í Mýrdalshrepp boðaðir til fundar í skólahúsinu á Ketilsstöðum til þess að aðstoða við gerð landamerkjauppdráttar. Það tókst að ljúka við uppdrátt flestra jarða að undanskildum jörðum í Reynishverfi.

Dagana 21. til 23. júní voru Björn og Fanney í Bjarkarlundi og hittu þar búalið í Reykhólahrepp. Talsvert vantaði uppá að það tækist að ljúka uppdrætti allra bújarða, en því hefur verið fylgt eftir með því að senda staðkunnugum myndir með ósk um að þeir dragi inn landamerki eftir því sem kostur er.

Landamerki í Rangárþingi-Eystra hafa verið færð inn í gagnagrunn Nytjalands. Sveitarfélagið stóð fyrir skráningu þeirra, en skráningin er liður í gerð stafræns gagnagrunns fyrir sveitarfélagið og skipulagsgerð.

Mikið er leitað til starfsmanna Nytjalands til að fá upplýsingar um stærðir jarða og gróðurfar. Vitaskuld er það fagnaðarefni hve mikið þessi gögn eru notuð núþegar. Nauðsynlegt er að allir hafi frjálsan aðgang að þessum gögnum Nytjalands á hagkvæman hátt. Nú er unnið að því að fullum krafti að koma gögnum Nytjalands á veraldarvefinn. Einnig er unnið að því að kanna framtíðarfyrirkomulag á þessu sviði, m.a. í samstarfi við Landmælingar Íslands og Faseignamat ríkisins. Miðað er við að gátt í gögn Nytjalands verði opnuð almenningi á næstu mánuðum. Þangað til má sækja grunnupplýsingar á Gagnaskrá Nytjalands sem hefur verið búinn til bráðabirgða.

Nóvember 2003
Starfsmenn Nytjalands hafa aðstoðað starfsmenn Hreindýraráðs við að koma á kort staðsetningu þeirra hreindýra sem felld voru á þessu veiðitímabili. Niðurstöðurnar eru gott dæmi um hið margvíslega gagn sem hafa má af gögnum Nytjalands. Grunnurinn er m.a. notaður til þess að staðsetja dýrin eftir jarðamörkum, sem auðveldar arðgreiðslur vegna veiðanna. Heimasíða Hreindýraráðs

Október 2003.

Búið er að skrásetja jarðir á Austurlandi í grunninn. Þetta eru 830 jarðir sem bættust í grunninn.
Landamerki - forsíða

Júní. 2003
Undanfarnar vikur og mánuði hafa Fanney Gísladóttir og Björn Traustason haldið landamerkjafundi með landeigendum þar sem landamerki bújarða á Austurlandi hafa verið skráð. Vettvangsferðirnar eru orðnar fimm talsins og í þeim hafa verið heimsótt alls 14 sveitarfélög í Suður- og Norður-Múlasýslu og ef gamla hreppaskiptinging er viðhöfð er fjöldinn 24. Dagana 24.-28. mars héldu þau fundi í Djúpavogshreppi, Breiðdalshreppi, Stöðvarhreppi, Fáskrúðsfirði og Seyðisfirði. Austur-Hérað var tekið fyrir 7.-9. apríl og Fellahreppur þann 10. Dagana 28. og 29. apríl voru haldnir fundir í Fjarðarbyggð, en 30. apríl og 1. maí á Vopnafirði. Í fjórðu ferðinni 2. til 6. júní var fundað í Norður-Héraði, á Borgarfirði eystri og í Mjóafirði. Í fimmtu og síðustu ferðinni 24. júní héldu Fanney og Björn fund í Fljótsdalshreppi.

Fundirnir hafa gengið mjög vel og hefur mæting verið góð í flestum tilvikum. Ekki er búið að taka saman nákvæman fjölda jarða sem skráður var í þessum ferðum, en þær eru rúmlega 700.

Við þökkum öllum þeim sem lagt hafa hönd á plóginn og vonum að afraksturinn eigi eftir að nýtast áðurnefndum sveitarfélögum og landeigendum.

Eldri fréttir