|
|
Kjarr- og skóglendi
Um getur verið að ræða náttúrulegan birkiskóg, lágvaxið kjarr eða ræktaðan skóg. Trjágróðurinn rís upp fyrir graslagið en getur verið mjög mishár. Mörkin á milli mólendis og kjarrgróðurs miðast við hnéháan kjarrgróður (víði og birki) og þekja hans þarf að vera 50% í lóðréttu ofanvarpi.
Birki einkennir oftast kjarrlendi, en þó eru einnig dæmi um að víðir myndi kjarr. Stakar reyniviðarplöntur sjást sums staðar í kjarrlendi. Undir kjarrgróðrinum vaxa blómjurtir, grös og lyng. Kjarr- og skóglendi er alla jafna uppskerumikið, en sé landið mikið beitt verður undirgróðurinn rýr og oft sjást rofsár.
|
|
|