Gróðurflokkar
 |
| Staðan á gróðurflokkuninni mars. 2006. |
Gervihnattamyndirnar eru notaðar til að flokka yfirborð landsins í 10 gróðurflokka. Við skilgreiningu þessara flokka var miðað við tvær mikilvægar forsendur: að unnt væri að nota gögnin til að greina þessa flokka, og að flokkarnir endurspegluðu uppskeru með tilliti til beitar. Upplýsingar um flokkana er hægt að skoða á síðunni Flokkunarkerfi.
Helstu fréttir af vinnu
September 2004
Starfsmenn Nytjalands fóru á Snæfellsnes dagana 30. ágúst til 3. september til að sannprófa gróðurflokkunina á nesinu. Farið var á 300 staði til að sannprófa flokkunina. Þetta er fyrsta myndin úr gervitunglinu Spot 5 sem er flokkuð í Nytjalandsverkefninu. Við fyrstu athugun virðist flokkunin koma nokkuð vel út, en frekari úrvinnsla verður unnin í vetur og stefnt er að því að endanleg gróðurflokkun verði tilbúin seinnipart vetrar. Það verður að segjast að við vorum ekki mjög heppin með veður eins og meðfylgjandi mynd ber með sér.
Júlí 2004
Starfsmenn Nytjalands voru í Suður-Þingeyjarsýslu vikuna 19.-23. júlí við sannprófun gróðurflokkunar. Farið var á 350 staði vítt og breitt um sýsluna og skoðað hversu rétt flokkunin er. Meðfylgjandi mynd sýnir punkta fyrir þau svæði sem athuguð voru.
Lokið verður við að vinna úr gögnunum í vetur og því ætti endaleg flokkun að verða tilbúin seinni hluta vetrar.
Staðfesting á hvernig gróðurflokkun tókst á þeim myndrömmum sem flokkun hefur verið gerð, var framkvæmd sumarið 2001 og þá var farið á Suðurland og Vesturland (einn Landsat rammi), Dalasýsla, Norðurland-Vestra og Eyjafjörð (einn Landsat rammi) og einnig í Norður-Þingeyjarsýslu (einn SPOT rammi). Unnið verður úr þessari vinnu veturinn 2001/2002 og gróðurflokkun bætt á þeim myndrömmum sem þörf er á.
Sumarið 2001 var farið á Austurland, frá Skeiðarársandi út á Langanes (2 myndrammar) til að safna gögnum sem notuð eru við gróðurflokkun á gervitunglamyndunum.
|