Dreifing tilbúins áburðar með þyrildreifara

Atriði til umhugsunar áður en dreifing hefst.



1. Aflið ykkur upplýsinga um niðurstöður prófana á viðkomandi dreifara frá söluaðilum eða prófunarstöðvum.

2. Skoðið vandlega dreifikúrvur dreifarans fyrir ólíkar áburðartegundir og áætlið hæfilega skörun.

3. Stillingar fyrir rennslismagn (kg/mín, kg/ha) eiga að fylgja með dreifaranum. Athugið hvernig rennslismagnið tengist ökuhraðanum.

4. Á flestum dreifurum eru ólíkar stillingar á dreifiuggum á dreifiskífu. Kannið hvaða stillingar henta hverri áburðartegund.

5. Við dreifingu eiga dreifiskífurnar að vera sem næst láréttar. Stilla þarf yfirtengið þannig að hlaðinn dreifari á velli sé með skífurnar í réttri stöðu.

6. Grundvallaratriði er að snúningshraði á drifskafti og þar með dreifiskífum sé réttur. Oftast er miðað við 540 sn/mín á tengidrifi. Nauðsynlegt er að
snúningshraðamælir dráttarvélar sé virkur.

7. Rétt hæð á dreifiskífum er mikilvæg, á oftast að vera 60-70 cm. Hún er stillt með stöðustillingu lyftiarma dráttarvélar.

8. Breytið ekki ökuhraða við dreifingu nema gera tilsvarandi breytingar á rennslismagni dreifarans.

9. Reynið eins og kostur er að hafa fastar viðmiðanir á velli þannig að hæfileg skörun náist. Æskilegt er að nota áberandi stikur á spilduendum eða tilsvarandi til að áætla fjarlægðir milli ferða.

10. Hliðarvindur hefur slæm áhrif á dreifigæðin. Oft er miðað við að vindhraðinn sé ekki meiri enn 3 vindstig.

11. Vandið sérstakleg dreifingu á spilduendum. Athuganir hafa sýnt að þar fer að jafnaði óhóflega mikið magn. Ráðlegt er að loka fyrir rennslið eða stöðva dreifiskífur meðan snúið er við.

12. Ökuhraða verður að stilla í hóf á ósléttum spildum því ella er hætt við að að það komi niður á dreifigæðum.

13. Á flestum gerðum áburðardreifara er búnaður til að takmarka kastlengd þegar dreift er meðfram spildujöðrum (skurðum, girðingum). Kynnið ykkur vel notkun þessa búnaðar því með honum má bæði draga úr tapi á áburðarefnum t.d. í skurði og auka uppskeru á spildujöðrum. Það stuðlar þar að auki að jafnari heygæðum innan spildna.

14. Miðað við umsetningu búanna eru mikil verðmæti fólgin í kaupum á áburðarefnum. Við dreifingu er algengt að um 70 kg á mínútu renni í gegnum dreifarann eða að verðmæti um 1400 kr. Vandvirkni við dreifingu er því vís leið til aukinnar framleiðni.


28.04.2003
Grétar Einarsson
Bútæknideild Rala

Ýmislegt

Ábendingar

Dreifing búfjáráburðar

Dreifing tilbúins áburðar

Dreifing sáðvöru

Dráttavélar

Framræsla

Jarðvinnsla

Heyskapur

Kornrækt

Gripahús

Landnýting

Girðingar

Námskeið

Annað

Búvélaprófanir

Yfirlit búvélaprófana 1968-1979

Yfirlit búvélaprófana 1968-1979

1980 1981 1982 1983 1984 1985 1986 1987 1988 1989 1990 1991 1992 1993 1994 1995 1996 1997 1998 1999 2003 2004