Dráttarvélaprófanir
Samanburður á sex tegundum í notkun.
Um er að ræða rannsóknir og athuganir sem gerðar var á sex tegundum dráttarvéla. Rannsóknirnar voru gerðar eftir stöðluðum aðferðum en athuganirnar voru gerðar við algeng bústörf. Unnið var að þeim í þremur löndum, Þýskalandi, Englandi og Hollandi. Valdar voru dráttarvélar í “millistærðarflokki” eins og þær eru flokkaðar á meginlandinu, það er um 100 kW (um 130-140 hö) vélar. Þær voru allar notaðar við sömu aðstæður og bæði mælanlegir og huglægir þættir ákvarðaðir. Við mælingar á afli, eldsneytiseyðslu og hávaða voru notaðar aðferðir eftir Evrópustöðlum (OECD). Auk þess voru vélarnar metnar við algengar vinnuaðstæður það er við plægingar með fjórskera plóg, 3 m breiðu rótherfi með sáðvél og við akstur með 18 tonna vagni sem ekið var á 9,8 km löngum vegi á hæðóttu landi. Eftirfarandi vélar voru reyndar:
Eftirfarandi niðurstöður komu fram við hefðbundnar OECD mælingar.
| Dráttarvélar | Case CS | Deutz | John | Massey | New | Valmet |
| | 130 | Fahr | Deere | Ferguson | Holland | T 140 |
| Aflúrtak, hámark, kW | 84,6 | 94,6 | 99,6 | 93,4 | 89,3 | 97,3 |
| Aukning á snúningsvægi, % | 40,4 | 45.7 | 41,9 | 35 | 42,6 | 27,1 |
| Eldsneytiseyðsla, g/kWt | 243 | 245 | 233 | 236 | 253 | 232 |
| Hámarksafl, dráttarkrókur kW | 75,6 | 83,7 | 88 | 79,9 | 73,2 | 82,5 |
| Dráttarkrókur aflnýtni, g/kWt | 274 | 279 | 266 | 276 | 311 | 276 |
| Lyftig. lyftiarma lágm.st. tonn | 7,02 | 7,4 | 6,44 | 4,86 | 3,98 | 6,73 |
| Lyftig. lyftiarma hám.st. tonn | 8,89 | 9,18 | 7,08 | 6,06 | 8,05 | 6,54 |
| Hávaði í húsi, dB(A) | 77 | 75,5 | 72 | 77,5 | 76,5 | 73 |
| Beygjuradíus, m. | 14,3 | 12,1 | 14,2 | 14,7 | 13,1 | 13,8 |
| Þyngd, tonn | 6,21 | 6,52 | 6,33 | 6,42 | 6,45 | 6,52 |
Athugasemdir við notkun á einstökum vélum
Case CS 180
Athugasemdir
Þessi dráttarvél er grunduð á Steyr dráttarvél með Sisu mótor og með sama gírkassa og Deutz Fahr. Þetta er ágæt dráttarvél þar sem einkennisstærðir eru í góðu meðallagi. Húsið er fremur gamaldags.
Plæging.
Jarðvinnsla með rótherfi og sáning.
Flutningar.
Deutz Fahr Agrotron MK 3
Athugasemdir
Dráttarvélin er tiltölulega létt, þægileg í meðförum og með frábært útsýni. Að öðru leyti í meðallagi varðandi flesta þætti að viðbættri nokkurri sjálfvirkni á ýmsum hlutum eins og fínstillingar á ökumannssæti.
Plæging.
Jarðvinnsla með rótherfi og sáning.
Flutningar.
John Deere 6820.
Athugasaemdir
Dráttarvélin er með algenga gerð af gírkössum og aflúttaki sem eru mjög hljóðlát. Hvað snertir aðbúnað ökumanns er þetta best búna dráttarvélin. Hún er með mjög góða nýtni á eldsneyti.
Plæging.
 .
Jarðvinnsla með rótherfi og sáning.
Flutningar.
Massey Ferguson 6290 Athugasemdir.
Dráttarvél með tiltölulega einfalda hönnun sem auðvelt er að átta sig á . Skilar meiru en ætla má í fljótu bragði. Af umræddum dráttarvélum er þessi vél með bestu gírkassana og sjálfskiptingarnar. Nýtni á eldsneyti er betri en á forverum vélarinnar. Tölvubúnaðurinn (datatronic) fyrir gagnasöfnun getur geymt mikið magn upplýsinga. Ennþá eru þó nokkrir hnökrar á að vélin standist nútíma kröfur um framleiðslugæði.
Plæging.
Jarðvinnsla með rótherfi og sáning.
Flutningar.
New Holland TM 140.
Athugasemdir.
Tm 140 Kemur fyrir sjónir sem dráttavél með velígrundaða og útfærða hönnun. Mótorinn skilar sínu með ágætum. Raftæknin við stjórnun gírkassana skilar sínu á flestum sviðum. Dráttarkrókurinn er sérstaklega vel heppnaður. Hvað varðar hljóðdempun og eldsneytisnýtingu er þessi vél aðeins í slakara lagi.
Plæging.
Jarðvinnsla með rótherfi og sáning.
Flutningur.
Valtra T 140.
Um er að ræða frumgerð dráttarvélarinnar og því fremur erfitt að leggja endanlegt mat á hana. Hún mun verða með þriggja þrepa aflskiptingu (powershift) í hverjum gír.
Plæging.
Jarðvinnsla með rótherfi og sáning.
Flutningar.
Lokaorð.
Eins og getið er í inngangi er hér um að ræða nokkuð ýtarlega athugun á nokkrum gerðum dráttarvéla. Heimildir eru fengnar frá dönsku leiðbeiningaþjónustinni “Landbrugets Rådgivningscenter” en þaðan eru þær komnar frá bæði þýska tímaritinu “Top agrar” og breska ritinu “Farmers Weekly”.
Þessar upplýsingar eru frábrugðnar þeim hefðbundnu stöðluðu prófunum sem einungis taka til tæknilegra mælinga á nýjum vélum en ekki til sjónarmiða notandans. Ofangreindar upplýsingar gefa nokkra innsýn í hvaða tæknibúnaður er almennt kominn í vélarnar, hvernig hann nýtist og/eða hvaða kostir eru í boði. Ennfremur koma glögglega fram athugasemdir notenda sem auk þess að gefa að nokkru leyti samanburð milli vélanna veita og framleiðendum vísbendingar um hvaða hönnunarþætti þarf að taka til endurskoðunar.
Grétar Einarsson
Rannsóknastofnun landbúnaðarins
Bútæknideild Hvanneyri. |