Fjölært rýgresi er mjög gott fóðurgras sem er mikið ræktað í ýmsum helstu grasræktarlöndunum. Það hefur ekki verið ræktað hér á landi fram að þessu vegna takmarkaðs vetrarþols. Kynbótaframfarir eru þó verulegar og fram koma ný yrki sem færa út ræktunarmörk rýgresis.

Frá 1995 hafa verið gerðar allmargar tilraunir á RALA með fjölært rýgresi. Auk tilrauna hefur nokkur reynsla fengist af ræktun hjá áhugasömum bændum.

Sprettan er mikil ef það lifir veturinn vel, en ekki ætti að sá því nema við góð skilyrði, og framræslan þarf að vera í lagi.


Hólmgeir Björnsson kynnti niðurstöður tilrauna sem gerðar voru 1995-99 á ráðunautafundi í febrúar 2000 og í 6. tbl. Freys vorið 2000. Þessar niðurstöður ásamt breyttum viðhorfum til ræktunar hafa vakið áhuga á ræktun fjölærs rýgresis hér á landi. Síðastliðið vor var flutt inn töluvert fræ, aðallega af Svea en einnig Baristra.

Því má vænta þess að næsta sumar ( 2001 )verði um hundrað hektarar túns vaxnir rýgresi ef vel tekst til.


Á Rannsóknastofnun landbúnaðarins eru nú m.a. gerðar tilraunir með nýtingu fjölærs rýgresis síðsumars og rýgresi í blöndu með smára, bæði rauðsmára og hvítsmára. Veðurfar hefur verið fremur hagstætt það tímabil sem tilraunirnar með rýgresi hafa staðið og reynslan því e.t.v. betri en vænta mætti til lengdar.

Viðfangsefni

Hvítsmári

Rauðsmári

Kornrækt

Nytjaplöntur á Íslandi