|
|
Hvítsmári
Vöxtur og viðgangur hvítsmára í túnum byggist á marggreinóttum jarðlægum stönglum sem allast smærur. Smærurnar lifa einungis í ákveðinn tíma og fjölær vöxtur byggist því á stöðugri endurnýjun þeirra. Blöð, blóm, rætur og nýjar smærur myndast á liðamótum smæranna. Smærurnar lifa af veturinn og gegna lykilhlutverki bæði í endingu og uppskeru smárans. Þær eru einnig forðabúr fyrir sterkju og prótein sem hafa áhrif á vetrarþol og vöxt á vorin. Vaxtarlag hvítsmára gerir það að verkum að hann hentar fyrst og fremst til beitar
Landfræðilegur uppruni hefur mikil áhrif á útlitseinkenni hvítsmára. Eftir því sem norðar dregur eða hærra kemur og ræktunarskilyrði versna verða plönturnar lágvaxnari, blaðsmærri og smærurnar verða þynnri, þéttari og jafnframt langlífari. Hvítsmári frá norðlægum slóðum er því vetrarþolinn en uppskerurýr. Suðrænn hvítsmári er á
hinn bóginn með stór blöð og gefur mikla uppskeru en skortir vetrarþol.
Við erum nú að kynbæta norðlæga hvítsmárann með því að víxla honum við hvítsmára ættaðan frá suðlægum slóðum. Við gerum okkur vonir um að bæta þannig uppskeru hans án þess að fórna vetrarþoli. Tilraunir hafa sýnt að með ræktun hvítsmára frá Noregi megi ná viðunandi uppskeru í góðum sumrum. Hlutdeild smárans er þó breytileg bæði frá vori til hausts og frá ári til árs. Hann er því ekki nógu áreiðanlegur í ræktun og rýrir það nokkuð notagildi hans. Úr því er verið að bæta með frekari rannsóknum.
enn laus við þá skaðvalda og sjúkdóma sem valda búsifjum í ræktun þar. Okkur hefur reynst best að rækta rauðsmára í blöndu með vallarfoxgrasi. Til þess að auka fóðurgæði enn frekar höfum við reynt að rækta rauðsmárann í blöndu með rýgresi og hávingli. Það hefur því miður gefist illa þar sem þessar grastegundir hafa ekki reynst nægilega vetrarþolnar.
Meiri fróðleik um hvítsmára má finna hér að neðan:
Vetrarþol og uppskera hvítsmára á norðlægum slóðum. Verkefnavefur Sigríðar Dalmannsdóttur
|
|
|