|
|
Stytting á ættliðabili til að auka kynbótaframfarir í laxeldi
|
 |
| Verkefnisstjóri | Upphafsár | Lokaár (áætlað) | Stofnun |
| Emma Eyþórsdóttir | 1994 | 1997 | RALA |
| | | |
| Mannmánuðir á ári | Fjármögnun | Framkvæmdarstaðir | |
| 1 | RANNÍS | Kollafjörður, Stofnfiskur h.f. | |
| | | |
| Samstarfsaðilar | Birting/kynning niðurstaðna | Númer rannsóknar | |
| Veiðimálastofnun, Stofnfiskur h.f. | Sjá neðst á síðunni | 121-9203 | |
| | | |
Lýsing verkefnis:
Markmið verkefnisins er að auka framfarir í kynbótum á eldislaxi með því að stytta ættliðabil úr fjórum árum í þrjú ár og í framhaldi af því að lækka framleiðslukostnað í laxeldi. Verkefnið er sjálfstætt framhald (sama verknúmer) af verkefninu: Stytt ættliðabil og úrvalsmöguleikar í kynbótum á eldislaxi, sem unnið var undir stjórn Stefáns Aðalsteinssonar og síðar Emmu Eyþórsdóttur. Verkefnisstjóri nú er Jónas Jónasson á Veiðimálastofnun. Í verkefninu er unnið með tvo árganga af laxi úr kynbótakerfi fyrir laxeldi. 50 seiði úr hverjum alsystkinahóp eru notuð í verkefninu, alls 5000 seiði. Þau eru alin við hærri hita (11-12 C) en í hefðbundnu eldi og fá auk þess sérstaka ljóslotumeðferð sem miðar að því að flýta sjóþroska seiðanna. Þegar sjóþroska er náð eru seiðin flutt í 9 C heitan sjó og alin þar fram til þriggja ára aldurs frá frjóvgun. Fylgst er með þrifum og vexti laxins allan tímann og allur fiskur vigtaður og kynþroski metinn við lok tímabilsins. Niðurstöður gefa til kynna vaxtargetu við þessar eldisaðstæður og hlutfall kynþroska laxa og þar með möguleika á styttingu ættliðabilsins. Fiskur til undaneldis verður valinn út frá niðurstöðum í lok tímabilsins. Hlutur RALA í verkefninu er fyrst og fremst vinna við uppgjör á niðurstöðum og túlkun þeirra.Stytting ættliðabils úr fjórum árum í þrjú mun auka framfarir í laxeldiskynbótum um 33% og auka samkeppnishæfni íslensks laxeldis gagnvart öðrum löndum. Erfðaframfarir í vaxtarhraða skila sér beint í lækkuðum framleiðslukostnaði í hvert kg af eldislaxi.
Birting niðurstaðna:
Jónas Jónasson o.fl. 1994. Samanburður á þremur laxastofnum eftir eins árs eldi í sjó. Eldisfréttir, 10:4-6. |
|
|