|
|
Át og meltanleiki hjá þorski
|
 |
| Verkefnisstjóri | Upphafsár | Lokaár (áætlað) | Stofnun |
| Þuríður E. Pétursdóttir | 2002 | (2002) | RALA |
| | | |
| Mannmánuðir á ári | Fjármögnun | Framkvæmdarstaðir | |
| Rannís, Rala, Hafró | Staður í Grindavík | |
| | | |
| Samstarfsaðilar | Birting/kynning niðurstaðna | Númer rannsóknar | |
| Hafró | | 121-9484 | |
| | | |
Lýsing verkefnis:
Heimildakönnun sýnir að meltanleiki hjá þorski hefur fram að þessu verið mældur með því að kreista saur úr görnum fisksins eða skera fiskinn upp og taka saur úr görnunum. Báðar þessar aðferðir valda því að meltanleiki næringarefna er vanmetinn. Meltingu er ekki að fullu lokið og/eða frumur úr þekjuvef garnanna blandast saurnum. Aðferðirnar útheimta annarsvegar meðhöndlun fisksins, sem veldur streitu og getur truflað meltingu, og hins vegar að fiskinum sé slátrað og því ekki hægt að endurtaka mælinguna. Heimildakönnun sýnir einnig að át hjá þorski hefur verið mælt með því að vigta fóðrið og gera síðan ráð fyrir að allt fóðrið sé étið. Aðferðin er nothæf þar sem fáir stórir fiskar eru í hópi. Hins vegar dugar hún ekki við stórann hóp eða minni fisk.
Aðferðin sem hér á að reyna á þorski (Choubert et al., (1979, 1982) hefur reynst vel við mælingar á t.d. laxfiskum. Þeir éta nokkuð stöðugt og líður sæmilega vel í hópi þannig að fóðrun er einföld. Auk þess er saur laxfiska þéttur og berst hratt með frárennsli út úr kerjunum.
Þorskur er nú fóðraður ýmist beint á loðnu, rækju, humri eða öðru ferskmeti, eða á þurrfóðri sem þróað hefur verið fyrir lúðu. Þéttleiki og festa saursins í vatni hefur ekki verið athuguð og hegðun þorsks, í þeim kerjum sem notuð eru fyrir laxfiska við mælingar, hefur ekki verið könnuð.
Óvissa er því mikil um ýmsa þætti aðferðarinnar og því er sótt um forverkefni til að prófa aðferðina á þessari nýju tegund. |
|
|