|
|
Gæðahandbók um rekstur kúabús
|
 |
| Verkefnisstjóri | Upphafsár | Lokaár (áætlað) | Stofnun |
| Grétar Hrafn Harðarson | 2001 | | RALA |
| | | |
| Mannmánuðir á ári | Fjármögnun | Framkvæmdarstaðir | |
| | Stóra-Ármót | |
| | | |
| Samstarfsaðilar | Birting/kynning niðurstaðna | Númer rannsóknar | |
| LK | | | |
| | | |
Lýsing verkefnis:
Búin hefur verið til gæðahandbók fyrir Stóra Ármót. Með nýjum bústjórum, þeim Hildi Pálmadóttur og Höskuldi Gunnarssyni, sem tók til starfa 1. september var gæðahandbókin tekin í notkun. Í þessu felst nákvæm skráning og upplýsingaöflun á öllum þáttum búrekstrarins. Gæðastjórnun sem þessi er ekki bara nauðsynleg þegar margir aðilar koma að búrekstri eins og á Stóra Ármóti heldur einnig gæti slíkt starf nýst nautgriparæktinni í heild og hefur verið í því skyni haft samstarf við LK.
Gæðahandbók tekur á eftirfarandi þáttum:
1. Skilgreining á markmiðum gæðastjórnunar
2. Umhverfismál – gera umhverfi Stóra Ármóts þannig að það sé til fyrirmyndar og því sé þannig viðhaldið.
3. Smitsjúkdómavarnir
- setja reglur um kaup á gripum inná búið
- setja umgengnisreglur gesta og þjónustufólks
4. Starfslýsingar; setja upp skipurit og skilgreina réttindi, skyldur og starfssvið hvers starfsmanns.
5. Verklýsingar /Verkleiðbeiningar – það þarf að vera skilgreint á skilmerkilegan hátt til hvers er ætlast þegar hin ýmsu störf eru unnin. Þannig á t.d. nýr starfsmaður að geta lesið sig til og vitað með nokkurri nákvæmni hvenær og hvernig verkið eigi að vera unnið.
6. Koma á innra eftirliti við búreksturinn. Skilgreina þarf viðmiðunargildi fyrir sem flesta þætti framleiðslunnar, athuga og skrá, með fyrirfram ákveðnum hætti, að settum markmiðum sé náð og hafa ákveðin viðbrögð tiltæk ef viðunandi árangri er ekki náð.
7. Heilsugæsla; Markmiðið er að þróa og koma á heilsugæslu fyrir allan búfénað á Stóra Ármóti. Hugmyndin er að greina sjúkdómana með reglubundum athugunum áður en þeir eru farnir að hafa sjáanleg áhrif á dýrið. Þessi starfsaðferð hefur lítt verið notuð á Íslandi en þróunin er í þessa átt og því mikilvægt að bregðast nú rétt við og koma á kerfi sem gæti nýst nautgriparæktinni í heild. Þróa þarf hugbúnað sem getur tekið við upplýsingum úr slíku eftirliti og einnig þarf að vera hægt að tengja þetta gögnum sem nú þegar er safnað af Bændasamtökum Íslands
Koma þarf á gæðastjórnun sem tekur á sem flestum þáttum í rekstri, aðstöðu og umhverfi. Slík gæðastjórnun er ekki bara nauðsynleg þegar margir aðilar koma að búrekstri eins og á Stóra Ármóti heldur einnig gæti slíkt starf nýst nautgriparæktinni í heild. |
|
|